**&^ اخيرا درس اللمعه بالجليتر ^&**

[أبو رضـــا]

السلام عليكم اخيرا راح نعرف شلون نسوي لمعه بالجليتر بس بقولكم مقدمه لازم تفهمونها عدل والا ماراح تعرفون تشتغلون

اللمعه اللي تشوفونها عباره عن 3 صور مختلفه تتحرك بسرعه لدرجه انها تبين انها تلمع مثل فكره الرسوم المتحركه وعشان نصمم بالجلتر لازم نفكك الصوره بالايميج ريدي الى 3 طبقات عشان نقدر نشتغل

وهذا مثال عندكم لصور مفككه وبس تعرفون الطريقه بنزل صور مو مفككه وانتو فككوها وخزنوها

اللون البنفسجي
1- http://latanso.jeeran.com/pur1.gif
2- http://latanso.jeeran.com/pur2.gif
3- http://latanso.jeeran.com/pur3.gif

خلوني اشرحلكم على هذا المثال اول وبعدين انزل جم جليتر مفكك والشرح بيكون على الكلمه بس واذا طبقتو بتعمق للاشكال والصور

ولايغركم طول الشرح لانكم تعرفوني اني اشرح بالتفصيل الممل لان هالدرس بالذات يبيله دقه بس صدقوني على كثر ماتطبقونه بتحفظونه صم بدون لاتردون للدرس

========================
1- افتح صوره الجلتر الاولى مثلا رقم1 ومهم جدا التسلسل ctrl + o
2- نضغط ctrl + a عشان نحدد الباترن
3- بعدين نختار edit ===> define pattern وبيطلع مستطيل اضغط اوكي على طول
4- سكر الصوره وبيقولك بتحفظ التغيير اختاري no
5- نفتح الصوره الثانيه رقم 2 ونكرر نفس الخطوات من 1 - 4
6- نفتح صوره رقم 3 وهم نكرر الخطوات
-------------------------------------------
-------------------------------------------
1- نفتح عمل جديد ctrl + n بخلفيه شفافه والحجم يكون اكبر من الكلمه بشويه الا اذا كنت بتضيف صور واشكال هذا راجع لك :)

http://www.ibiblio.org/gardenwriters/gwlwiki/files/Abbas-1.jpg

2- نضغط حرف ال T من الكيبورد ونكتب اللي نبيه بأي لون مو مهم
ملاحظه : من الاول حدد حجم الخط لانك صعب تعيده من الاول اذا مااعجبك حجم التوقيع

3- الحين ركزو شوي ... ضاعف طبقه الكتابه مرتين

- يااما انك تضغط على الطبقه بالماوس يسار وتختار مثل الصوره

http://www.ibiblio.org/gardenwriters/gwlwiki/files/abbas-2.jpg

او انك تختار من قائمة layer اللي فوق
وفيه طريقه ثانيه سهله انك تسحب الطبقه بالماوس للمربع اللي تحت

انا اقول كل الطرق عشان تتعلم لان مو هدفي بس تطبيق الدرس لكن هدفي انك تتعلم الفوتوشوب من خلال تطبيق الدروس وانت لك حرية الاختيار بأي طريقه تبي

بيطلع الشكل النهائي جذي

http://www.ibiblio.org/gardenwriters/gwlwiki/files/abbas-3.jpg

4- الحين نضيف طبقه فوق كل طبقه ... نضغط على الطبقه الاولى وبعدين

- اما نضغط shift + ctrl +n
- او نضغط على المربع الصغير اللي تحت
وبعدين نضغط الطبقه الثانيه ونكرر نفس الخطوه السابقه وهم نضغط الطبقه الثالثه وهم نكرر الخطوه

بنحصل على هالشكل ( لاحظو اني شلت العين من اول 4 طبقات من فوق وخليتها بس على اول طبقتين من تحت لاني بشتغل عليهم )

http://www.ibiblio.org/gardenwriters/gwlwiki/files/abbas-4.jpg

5- نضغط على layer1 ونروح حق
edit ==>fill

بيطلع هالمربع تسوي نفس الاعدادات اللي في الصوره بالضبط

http://www.ibiblio.org/gardenwriters/gwlwiki/files/abbas-5.jpg

6- تختارين الطبقه الاولى اللي هي نفس الصوره رقم 1 اللي فوق اول الدرس http://latanso.jeeran.com/pur1.gif

http://www.ibiblio.org/gardenwriters/gwlwiki/files/abbas-6.jpg

7- نضغط ctrl + g عشان نلبّس الكلمة بالباترن الاول
8- نضغط shift + ctrl + e عشان ندمج الطبقتين

9- نكرر الخطوات من 5 - 8 مع الطبقه الثانيه layer2

ولاتنسون تشيلون العين من الطبقات اللي مانشتغل عليها يعني اذا اشتغلنا على الطبقه الثانيه نخلي العين على لاير 2 وطبقه الكتابه اللي تحتها بس

واذا اخترنا edit ===> fill نختار الباترن الثاني

10- نكرر الخطوات من 5 - 8 مع الطبقه الثالثه layer3

11- نضغط shift + ctrl +m عشان ننتقل للايميج ريدي

الحين بيصير شغلنا بالاميج ريدي

12- نضغط على السهم الصغير من شريط ال animation اللي موجود تحت ونختار
make frames from layers

http://www.ibiblio.org/gardenwriters/gwlwiki/files/abbas-7.jpg

بتشوفون تحت صارت 3 طبقات نضغط على الزر بلاي بالصوره اللي تحت بتشوفون الصوره صارت متحركه

http://www.ibiblio.org/gardenwriters/gwlwiki/files/abbas-8.jpg

13- الحين نضغط ctrl + shift + alt + s عشان تتخزن بامتداد GIF


http://www.ibiblio.org/gardenwriters/gwlwiki/files/abbas9.gif

وبعدين عادي حمله للموقع وبس


اي استفسار انا حاضر

تحياتي وبانتظار تطبيقاتكم

[الهدى]

رهيب انت ابو محمد
وتسلم على هذا الدرس الرائع
وان شاء الله دووووووووووووووم

تحياتي":{"

[شهدي]

وهذا تطبيقي،،
انتظر باقي الدروس على الجليتر،، مع الشكر،،

http://myimager.com/uploads/OmAli_19318897152_92325.gif?664263

[أبو رضـــا]

هلا والله بيك يا هدوووووي
والله مافي غيرك الرهيب **:I


*XX*


ماشاء الله تطبيق سريع يا شهدي
الله يعطيج الف عافيه

,7,

[علي عمران]

تسلم ابو محمد والله لا يحرمنا منك ومن ابداعاتك
وهذا تطبيق بسيط على درسك الرائع وانا من زمان ابي اتعلم الامج ردي
وانا فعلا ردي فيه

تفضل
http://www.ibiblio.org/gardenwriters/gwlwiki/files/User.gif

[جيل البحراني]

شكرا على الدرس يا رهيب
واليك التطبيق

http://members.lycos.co.uk/aresh878/jaeel.gif

[C.Ronaldo]

http://irc4arab.net/upload/files/1_4/9110.gif
هذا التطبيق

[C.Ronaldo]

http://66.216.59.172/upload/uploading/User444441.gif

[أبن الديرة]

أبو محمد أريد توضيح أكثر.. 1 - مالمقصود بفك الصورة الى 3 أقسام ، وكيف نعملها وضح 2 - الصور التي نزلتها لم تظهر عندي ماأدري شنو السبب.. ومشكور يابو محمد ..والضاهر بتتعب وياي http://www.malkiya.net/vb/images/smilies/confused.gifhttp://www.malkiya.net/vb/images/smilies/confused88.gifhttp://www.malkiya.net/vb/images2/smilies/cry.gif

[عطر الندى]

شكرا لك اخي

تحياتي

عطر الندى