Senyoretta
01-07-2004, 04:04 PM
هلوو لوو
قصة من ذوقي فكاهية شوي ,,,, على الله انها تعجبكم
القطوة كوكي مرسال الحبايب
انا يا الربع في حالة حب*8 و الحبيبة مسوية لي بو طناش، كل يوم تقعد في البلكونة مع قطوتها كوكي المريشة، و أنا أمر تحت البلكونة و اتليوس و لكن محد يعطيني ويه. لين فكرت اشلون الفت نظرها. ":{"
مريت ذاك اليوم و قلت لها: يا بختج يالقطيوة عندج ناس يحبونج و يدلعونج، وا عليي عليه اللي ما عنده احد. طالعتني الجارة بنظرة و قالت: ويييه يا كره اللي ما يعرف يغازل اش هالدم الثقيل.
آنه بق ويهي ... ما سمعتها الا تقوول: كوكي تعالي ندش داخل عن الثقال. آنا قلت لها : و الله يا كوكي وايد شعرج ناعم و خصوصا القصة اليديدة، بعد اللون اللي لابسته وايد حلو، و خصوصا البنطلون.... طلت عليي و ابتسمت و قالت: ويه بعد قطوة تلبس بنطلوون. قلت : بس غمزت السنارة.
في اليوم التالي: رحت ادوور شريط عدوية في كل محلات الاشرطة لين حصلته على cd و خذيت الcd player مالتي و رحت تحت البلكون و كانت قاعدة في الدورفة مع قطوتها كوكي و الهوا يكتكت و شعرها يطير. آنه ما عطلت شغلت السيدي بلير على عدوية و هو يقوول "" يا اهل الله اللي فوق ما تبصوا على اللي تحت "" . اهيي ماتت من الضحك و قالت: اتقول امي ، اول الناس تدور على السياكل و كل واحد حاط له مسجلة اكبر من السيكل علشان يغازل خلق الله ، أما اليوم فتقدموا الشباب يغازلون بالسيدي بلير.
ذاك اليوم نزلت القطوة في الشارع قمت و صدتها و حطيت في رقبتها وردة،*h* و راحت القطوة فوق، طلا عليي جارتنا و قالت: يا أهل الله اللي تحت بسكم من اللواسة، ترى الناس اللي فوق لاعت جبدهم منكم.
كانت بالنسبة ليي الضربة القاضية ، و قررت بعدها ما اروح تحت البلكونة... ما وعيت ذاك اليوم الا القطوة محولة و في رقبتها مرسال مكتوب فيه يا اهل الله اللي تحت رضوا عنكم اللي فووق. أنا طاريت حق الجارة وتميت مثل روميو طول الليل اكلمها، و قلت: اخيرا طاحت الجارة.
يبت الربع علشان يشوفوني من بعيد و افوشر ان بنت الذوات طالعتني.
طخيت القطوة و حطيت في رقبتها ورقة مكتوب فيها"" ميلي عليه ميلي يا ام المريول النيلي"" رفعت راسي و الربع يطالعون ، الا الا ....
جيس خمام اسود متروس طحين ينهد على راسي، و عقبه زيلة ماي بارد كاتته الخدامة عليي. طلت عليي ام الجارة وقالت : اقطع الله لقاك، اذلف ذلفك الله، صج ما تستحي و لا تنتخي. باجر باقوول حق امك شيخة تأدبك ، هاذلين الجيران؟؟!! @@1
التفتيت الا الربع ميتين عليي من الضحك و هم يعلقون و يقولون : بس حطوه في التنور و يصير صمون ، هههههه ، و ثاني يقوول: خلاص ما يحتاج عيان بس انتف و اكل من هالخبز الحار لان رفيجكم احترق من الفشيلة ، و بعد قالوا ليي : عيل ميلي علي ميلي هااا ، صج مالت عليك و لكن بالطحين و الماي ناقصك بيكن باودر و تصير كيك .. هههههههههههههه .
لكن صدق المثل اللي يقول : خبزٍ خبزته اكله . و صرت مطنزة الفريج .
الله يرحمك يا عبد الحليم اللحين انا صرت خالي القلب .
هااا شرايكم
دمتم سالمين
senYora
قصة من ذوقي فكاهية شوي ,,,, على الله انها تعجبكم
القطوة كوكي مرسال الحبايب
انا يا الربع في حالة حب*8 و الحبيبة مسوية لي بو طناش، كل يوم تقعد في البلكونة مع قطوتها كوكي المريشة، و أنا أمر تحت البلكونة و اتليوس و لكن محد يعطيني ويه. لين فكرت اشلون الفت نظرها. ":{"
مريت ذاك اليوم و قلت لها: يا بختج يالقطيوة عندج ناس يحبونج و يدلعونج، وا عليي عليه اللي ما عنده احد. طالعتني الجارة بنظرة و قالت: ويييه يا كره اللي ما يعرف يغازل اش هالدم الثقيل.
آنه بق ويهي ... ما سمعتها الا تقوول: كوكي تعالي ندش داخل عن الثقال. آنا قلت لها : و الله يا كوكي وايد شعرج ناعم و خصوصا القصة اليديدة، بعد اللون اللي لابسته وايد حلو، و خصوصا البنطلون.... طلت عليي و ابتسمت و قالت: ويه بعد قطوة تلبس بنطلوون. قلت : بس غمزت السنارة.
في اليوم التالي: رحت ادوور شريط عدوية في كل محلات الاشرطة لين حصلته على cd و خذيت الcd player مالتي و رحت تحت البلكون و كانت قاعدة في الدورفة مع قطوتها كوكي و الهوا يكتكت و شعرها يطير. آنه ما عطلت شغلت السيدي بلير على عدوية و هو يقوول "" يا اهل الله اللي فوق ما تبصوا على اللي تحت "" . اهيي ماتت من الضحك و قالت: اتقول امي ، اول الناس تدور على السياكل و كل واحد حاط له مسجلة اكبر من السيكل علشان يغازل خلق الله ، أما اليوم فتقدموا الشباب يغازلون بالسيدي بلير.
ذاك اليوم نزلت القطوة في الشارع قمت و صدتها و حطيت في رقبتها وردة،*h* و راحت القطوة فوق، طلا عليي جارتنا و قالت: يا أهل الله اللي تحت بسكم من اللواسة، ترى الناس اللي فوق لاعت جبدهم منكم.
كانت بالنسبة ليي الضربة القاضية ، و قررت بعدها ما اروح تحت البلكونة... ما وعيت ذاك اليوم الا القطوة محولة و في رقبتها مرسال مكتوب فيه يا اهل الله اللي تحت رضوا عنكم اللي فووق. أنا طاريت حق الجارة وتميت مثل روميو طول الليل اكلمها، و قلت: اخيرا طاحت الجارة.
يبت الربع علشان يشوفوني من بعيد و افوشر ان بنت الذوات طالعتني.
طخيت القطوة و حطيت في رقبتها ورقة مكتوب فيها"" ميلي عليه ميلي يا ام المريول النيلي"" رفعت راسي و الربع يطالعون ، الا الا ....
جيس خمام اسود متروس طحين ينهد على راسي، و عقبه زيلة ماي بارد كاتته الخدامة عليي. طلت عليي ام الجارة وقالت : اقطع الله لقاك، اذلف ذلفك الله، صج ما تستحي و لا تنتخي. باجر باقوول حق امك شيخة تأدبك ، هاذلين الجيران؟؟!! @@1
التفتيت الا الربع ميتين عليي من الضحك و هم يعلقون و يقولون : بس حطوه في التنور و يصير صمون ، هههههه ، و ثاني يقوول: خلاص ما يحتاج عيان بس انتف و اكل من هالخبز الحار لان رفيجكم احترق من الفشيلة ، و بعد قالوا ليي : عيل ميلي علي ميلي هااا ، صج مالت عليك و لكن بالطحين و الماي ناقصك بيكن باودر و تصير كيك .. هههههههههههههه .
لكن صدق المثل اللي يقول : خبزٍ خبزته اكله . و صرت مطنزة الفريج .
الله يرحمك يا عبد الحليم اللحين انا صرت خالي القلب .
هااا شرايكم
دمتم سالمين
senYora