الافراح والتهاني إلى جاسم العال

[النصـ2002راوي]

تهنئة خاصة إلى الأخ جاسم عبدالعال عضو الدائرة التاسعة المحافظة الشمالية....

ألف مبروك على هذا المنصب وتستاهل أكثر يا أبو محمد ونتمنى لك التوفيق في المجلس النيابي [ المنتخب ]
والعمل على حل مشاكل أهل القرية والمحافظة الشمالية بل جميع المواطنين لمافية المصلحة العامة..





عن ديوانية وعائلة المرحوم جمعه عبدالحسين خليل



عنهم أبو نوارة

[بوعباس]

مبروك :(

[المنار]

كنت يا جاسم بحق محباً لأهل مملكتك .. فجاهدت حتى حصلت على مبتغاك .. فهنيئاً لنا بك ، وهنيئاً لك بنا..

[أريج]

مبروك:( :confused:

[موجة أمـــــــل]

مبرووووووووووووووك

الله ويا الحق
تستاهل كل خير
وألف ألف مبروك لك يا بو محمد

[السيد]

صح انا مقاطع بس نقول لمال الديره الف الف الف مبروك

[نسيم البحر]

مبروك ولكن حاول ترجيع دستور 1973;)

[أم عبدالله]

ليش كل هالفرحة والتهاني, والله فاز عبدالعال ولا ما فاز , احنا او هذي الديرة وش بتحصل من ورة فوزة؟؟؟؟ او لا يكون هو امرشح رحوة عشانكم او عشان ديرتكم؟؟؟؟ والله مارشح روحة الا حق مصلحتة و الفايدة اللي بحصلها من ورى ترشيحة, حالة من حال غيرة, او هو بيكون مثل اللى فاز قبلة اما شفنا من واة شي, او بنشوف ويش بيسوي (( ان غدا لناضرة لقريب))) او بسكم نفاق.

[محمد بوحميد]

أنا أتفق معاك في كل شي ذكرتيه ما يحتاج كل هالفرحه وما يحتاج كل هالمواضيع اللي تحمل أسم جاسم عبدالعال بس نقطه وحده أكون ضدك فيها هو صح خالف العلماء ورشح نفسه بس بعد العلماء ما جبرت أحد وكل فرد في هذه البلاد الحبيبه يملك الحريه من اللي فاز قبله ؟؟؟ إذا كان قصدك سيدأمير الله يحفظه إلى الآن ما عطوه الصلاحيات إذا عطوه أو ما سوى شي ذيك الساعه يكون في كلام ثاني وربما يحاول يسوي شي بس الحكومه ما تعطيه فرصه ليعبر عن رايه لأن الحكومه أهم الشي الظاهر واما عن الأخ ابو محمد مرشح روحه لمصلحته الشخصيه فأنا أعترض على كلامك لأن مو جاسم عبدالعال اللي محتاج ليش أو ليي الحمدلله جاسم عبدالعال عنده اللي يكفيه والله يزيده إن شاء الله وهذا كل من تعب جبينه وحصد ما زرع طيل جياته وأنا أقول ليش ما أعتقد بل متأكد مو إلى مصلحته الشخصيه جاسم يعتقد إن بيحاول يغير شي بس نجوم السماء أقرب إليه من يغير شي في حكومتنا الموقره ودستورها الهزلي السخيف والسلام عليكم ورحمة الله وبركاته

[أم عبدالله]

صدق ان مثل ما قلت ان جاسم عندة خير او ثلاثةة ارباع اللي امرشحين نفسه عندهم خير اضعاف اللى عند جاسم , لاكن بعد كل اللي رشحو نفسهم همهم مصلحتهم ابس, الكذاب اللي بيقول همه مصلحة ديرتة, يا اخي العزيز اللي ايصير عضو مو بس بيحصل على فلوس عشان اتقول جاسم عندة خير, لا!!!لا (( حياتة كلها بتنقلب فوق تحت, بعد مايكون شخص عادي بيصير اشهر من نار على علم, واسئل يا اخي الكريم عن الامتيازات اللى يحصل عليها اعضاء البرلمان او بتعرف هالمدابح اللي صاير على شنو

او تحياتي

[الهيـــــرات]

تعقيب الرد على كلامش الا وهو:
(ليش كل هالفرحة والتهاني, والله فاز عبدالعال ولا ما فاز , احنا او هذي الديرة وش بتحصل من ورة فوزة؟؟؟؟ )

احنا عيال الديره كلنا يد وحده وجاسم عبدالعال من نفس الديره ولدنا ليش ما نفرح ؟؟؟ حتى لو كنا مقاطعين ؟
وهذي المقاطعه مقاطعه للانتخابات مو علشان جاسم مرشح فيها ؟؟؟لا بل لازم نظهر فرحنا ونحسس الجميع ان عيال الديره كلهم جسدواحد ! والفرحه هذي نظهر الى جاسم عبدالعال لكي يحس ان الجميع معه ....وكذا عيال الديره فرحانه علشان مو بس ان جاسم اخذ المنصب وبس لا علشان ان هذي المنطقه رافضه الشخص جعفر آل ضيف ....

وتعقيب على كلامش ايضا : ان جاسم ما رشح نفسه الا علشان المصلحه العامه فهذا تفكير واعتقاد خاطيئ جدااا والاخ عاشق ما قصر وفى وكفى ....




تحياتي ....الهيــــــــــــرات

[أم عبدالله]

اهل الديرة, او كلكم ايد وحدة ؟؟؟؟؟ عجب من متى ؟؟؟؟؟؟ المهم (( ولله في خلقة شؤؤؤن)) الله خلق او فرق , او هذا الفرق بيني او بينك

[الهيـــــرات]

خاطري اعرف شنو تنسبين الى الملكاويه؟؟؟؟

نفس الاسلوب ونفس الألفاظ البديئه والجارحه في الرد والتعقيب؟؟؟ليش عاد ليش؟؟؟

المنتدى هنا خلق لتحاور الجاد والصريح الغير جريح وقول الحق وليس لفتح أبواب المناقشه الصارمه والتي تولد الحقد بين الاعضاء....

وهذا اندل على شي فأنه يدل على قساوة قلبك والنيه الشينه....صف النيه ونام في البريه....

واضيف لكي ايضا انه الكلام ان الله فرق بيني وينش ..ليش ما نقال الى عاشق الخمنائي كاهو هو ايضا عقب على كلامش وعطاش كلام بعد ما يحتاج....ليش انه ولد ؟؟؟ مو عدل واني بنت!!!!


على العموم افترقنا افترقنا ...ما تهميني ابدا ابدا يا طويلة العمر

الله وياش يا ام عبدالله




تحياتي الى جميع البحاره المتعاونين على فعل الخير والمساهمين له

الهيرات

[شمعة أمل]

مبروووووووووووووووووووووك مثل ما قال نسيم البحر حال ترجع الدستور

[أم عبدالله]

اولا , اشلونج

ثانيا: انا ما كنت ادري انتين ولد ولا بنت , عشان افرق بينش او بن الاخ عاشق الخامنئي؟؟ اصلا هذا الشي مو مهم عندي, او انا ارفع او اسمى من اني اوصل لهذا المستوى من التميز القذر, وانا الحمد لله ما عندي هلخصلة.

ثالثا: تعقيب على كلامش (( نفس الالفاض البذيئة, ياريت لو في المرة الجاية تنتقين كلمات مناسبة اكثر للرد, والضاهر انش ماتدرين شنو تعني كلمة(( بذيئة )) بعدين هذا تفكيري , او مثل مالش تفكير خاص بش, انا بعد لي تفكير خاص بي, انا وانتي حرين في التعبر عن راينا , وانا قصدت ان الله خلق اوفرق في ان الله خلقني اوخلقش او خلق غيرنا, او كلنا مو سواسية , انتي لش تفكيرش او انا لي تفكيري, محد يقدلر يجبر الثاني على تغير معتقداتة او تفكيرة

رابعا: انا قلبي قاسي او نيتي شينة ؟؟ انتي من وين اتعرفيني او متى عاشرتني في الحياة عشان تتلفضين علي بالاهانات او تحكمين علي بهالحكم؟؟؟؟؟؟؟؟؟؟
او ياريت ترى يا اختى في المرة الجاية لا تحكمين على الناس من منضورش الخاص او تتانين اكثر قبل لا تهينين الناس , ترى مو الكل بيستحل مثلي !!! او لو ما اني عارفة انش يمكن ما تقصدين الاهانة او ان التعبير خانش في الرد لكنت رديت عليش رد عمرش ما بتنسينة, و الله ايسامحش

او خاطرش اتعرفين شنو تنسب لي ملكاوية؟؟؟؟؟؟؟؟؟ مو عيب ان شخصين يتوافقون في التفكير في مكان واحد!!!!!! انا لي راي او الاخت ملكاوية ليها رايها, او يمكن في يوم نتعرف كلنا (( الاخت ملكاوية او انتي او انا )) او اذا اتعرفنا في ذاك اليوم بتعرفين كل وحدة عدل , او ذيك الحزة تقدرين تحكمين علينا عدل




مع الاعتذار اذا سببت لش اي الم دون قصد



أم عبدالله

[نهر الاحزان]

والله يعطيك العافيه ...
ويساعدك على هذه المسؤليه ...........
وتستطيع ان شاء الله تساعد اهل قريتك ان شاء لله ......



تحياتي ...

[ملك النور]

مبروك,7,