مسلسل (سفينة النجاه) الحلقه الثانيه

[ولد الاكابر]

المشهد الاول


نبويه: الحقوني .. ساعدوني .. النجده .. اماااااه .. وابويي

بوعباس: ويش فيش يا نبويه ..ويش صاير .. علميني

ام عباس: (تلهث) ويش فيش خرعتيني ..ويش فيش اصارخين طيحتين قلبي

نبويه: شكرا بابا ..شكرا ماما ..كنتون عند حسن الضن .. ماشاء الله عليكم

ام عباس: ما تقولين ويش صاير فيش؟؟؟

نبويه : انتهيت من البحث ..افتكيت خلاص

ام عباس: ادورين ويش ..ويش اللى ضايع من عندش

بو عباس: حسبي الله عليش يا نبويه ..جذي اسوين فينا ..كل هذا علشان بحث

ام عباس: اني مو فاهم شي .. بالي مو مرتاح ..قولوا ابسرعه

نبويه: يا ماما .. يا عزيزتي .. المدرسه قايله لينا انسوي بحث عن مدى استعدادات المنزل الى الحرب القادمه

ام عباس: حرب؟! أي حرب؟؟ لا تفاولين علينا .. لا يكون بتهاوشين اخوش

بو عباس: ضحكتيني يا نبويه ..امش ويش عرفها عن الحرب..امش من عرست ابها والى حد الان لا تزال اسيره المطبخ

ام عباس: ايه ..ضيعت شبابي كله في خدمتكم..تتطنزون عليي

نبويه : باجر اذا صارت الحرب بتطلع التجاعيد ابسرعه .. ويمكن يتساقط الشعر خصله بعد خصله يامي العزيزه

ام عباس: أي حرب اللى قاعدين تتكلمون عنها ..قلبي منزهق من قاعدين اتقولونه

بو عباس :امريكا يا ام عباس.. امريكا بتهجم علىالعراق

ام عباس: انزين امريكا بتهجم على العراق .احنا ليش نبويه اتخرعنا ..

نبويه : امااااه.. هذا بحث .. يعني لازم اشوف فيه مدى استعدادتكم الى أي حدث طارئ.. ارجوك ابوي انت لازم اتقوم الحين وتشتري وتزود البيت بالاغراض والاحتياجات..الحرب ما ترحم..تاكل الخضر واليابس

ام عباس: وانتين الصادقه يا نبويه ..مو بس جذي اشترى بعد طرابيل علشان اتغطي فيها الدرايش والاياسي ..صدام هذا مجنون انخاف يرمي علينا كيماوي ..ايه اني سمعت ام احمد قاعده اسولف ويا ام جهاد عن هالسالفه

نبويه .. اماه ..ما وصل اليش التطور.. اسمونهم نوافذ..مو درايش

ام عباس: درايش ..نوافذ.. اهم شي احنا ما يصيدنا شي

بو عباس: يا جماعه ..لا تخافون .احنا عندنا ناس اسهرون الليالي علشان راحتنا.. عجل ويش ويش فايدة هالقواعد الحربيه المعشعشه في ديرتنا من زمان ..حطوا في بطنكم بطيخه صيفي ولا تخافون

نبويه: ابويي.. لا طالع فوق واجد ..اخاف تنكسر رقبتك

بو عباس : شيطانه يا نبويه ..ما ينقدر عليش ..تعالي صدق يمكن بعد تطلع ام عباس من العملاء

ام عباس: تتهامسون ويش اتقولون

بو عباس: نبويه اتقول البحث خلص يحتاج الى توقيع ام عباس

ام عباس .. اني ابصم ..وبالعشر بعد

المشهد الثاني

اهازيج من الجمهور في الملعب


فاصل اعلاني: اليوم يوم الفوز العب يا خضر اللعب..

فاصل اعلاني , ملك المنتدى , abo_mhd , abu khalil , لا للجروح , مايكل اون, , أبو سراج , أبو هاشم , أبو نواس , AHMED5118 , أجمل حب! بجنون , محمد مهدي , , , مراقب المنتدى , angel , مرزوق , مشجع الانتر , أفـتـش عـنـك , Beckham , , , المجروح , الأشوس , المسقطي , المعتوق , المطوع , الاستقلال ايران , الانتراوي , الانوار , البراق , البرق , البـــــري , الحسان , الحزين , الخضر , اليقظة , الشايب , السيد , السيد_3 , العازب , الغواص , , الفرزدق , الهامور , الولد الذهبي , النصـ2002راوي , القلب الحزين , القيصر , القطيفي , الكربلائي , الكوثر , ابرار , ابو محمد , ابو موسى , ابو علي , ابو فيصل , ابو هادي , ابوملاك , , creed , , DeadMan , بلم , enمايكلow , برج العرب , , green man , hussain00 , خميس المطوع , جمراوي تيشن , دمستاني والنعم , خجول , حسن نتايج , يعقوب , malkiya , Mo7eb Ali , mohd_9096 , MOON14 , راعيها , ريلاكس المهاجر , , ساحة مينو , زيزو , سهم القلوب , Princess , programmer , REAL MADRID , Rivaldo 10 , sabt , salah901 , tears , علاء , علي منصور , عابر سبيل , عاشق مفلس , عاشق الاخضر , عاشق الذكرى , عاشق الزهراء , عاشق العترة , عاشقة المهدي , عبرات الحوراء , غيرمتجنس , غريب الدار , غصن الزيتون , عواد مجبل هزاع , عقاب , , فتى المالكية , فتى الاحزان , , إبن توبلي , إحسان : اليوم يوم الفوز العب يا خضر اللعب.. فريقنا يلعب وحنا ليه سند.. اوه يالاخضر يا موج البحر

صوت ا لمعلق: سياداتي سادتي.. احييكم من ملعب مركانا الشهير لكي انقل لكم وصف تفصيليا لمباراه في كره القدم ..مباراه اعتبرها في نظري تاريخيه بمعني الكلمه..مباراه في غايه الاهميه للفريقان ..والفريقان يمتلكان كوكبه من النجوم ..تسمع عزيزي المستمع اهازيج الجماهير ..مباراه جماهيريه ..وابتدات المباراه منذ عشر دقائق وانا اسف على التاخير في البث للمباراه لاننا كنا منذ قليل في بث مباشر عبر الاذاعه نقلنا ومن خلاله سباق الهجن على كأس وزير المجاري والحفريات .....

ريلاكس المهاجر: ايه عاشوا الاذاعه ..اليوم سباق الهجن ..باجر سباق القوارب الشراعيه ..وما ادري بعد يمكن انقلون لينا الجمباز.. وهذا كله علشان خاطر عيون الجماعه..انا اول مره اسمع سباق الهجن على الاذاعه ..فنتك هذا الشي

غريب الدار:صراحة جزاهم الله خير ..يهتمون بالشباب واجد ..الله اخلى التلفزيون ما ايقصر بعد من مباراه الى مباراه حتى الاغاني والافلام مالها وجود في تلفزيون العائله العربيه ..واللى يزيدنا فخر ازيد امخصصين اذاعه بس حق الاغاني ما ادري ويش اسمونها .... FM... بالجمله والتفصيل التلفزيون والاذاعه صوت ناطق للسياحه المشهوره

فاصل اعلاني : شجعوا شجعوا ..شجعوا شجعوا..اوه يالاخضر يا موج البحر
ريلاكس المهاجر: شفت اشلون غريب الدار ..فريقنا له قاعده جماهيريه عريضه ..عيني عليك بارده يالاخضر

غريب الدار: الله ازيدهم ..بس لو زين هالقاعده الجماهيريه العريضه تشارك في امور اخرى

ريلاكس المهاجر: انا فهمت قصدك ..انت اتقول لو زين هالقاعده الجماهيريه تشارك في موكب العزاء مو جذي

غريب الدار: عليك نور يا ريلاكس ..بس عاد وين اللى يسمع هالحجي

عاشق السامبا :يالله لا تعورون راسنا ..كفايه هالمذيع اللى ما يعرف اسامي اللاعبين ..يالله شجعوا

ساحة مينو: ويش هالخطه يامدرب .طلعوه هالاعب .. هذا ويش عرفه يلعب .. ياه طالعوا ويش اسوي . لا راحت علينا اليوم..

النصراوي: يا اخي ليش انت ماتدرب الفريق وتريحنا

ساحة مينو: خسارة افلوس على هالمدرب ..لو عاطينها ولد الديره افضل منه

النصراوي : انتون لا ترحمون ولا تخلون رحمة الله تنزل
.. اذا حطوا ليكم مدرب من الديره ماسلم منكم..حش في الواحد ليل انهار. بس لا تخليني اكمل اطلع الفضايح بعدين
ساحة مينو: عجل هذا مدرب اجيبونه لينا ..يا زعم اجنبي بعد

النصراوي : يا اخي هذا مستوى لاعبينكم ..يعني لا تحمل عليهم اكثر من طاقتهم ..يا اخي اذا مو عاجبنك ..شجع فريق اخر .. يا كثرهم الفرق

ساحة مينو: كيفي انا داخل بفلوسي ..انا دافع دينار ابغي اشوف لعب ..مو مراكض وراء كوره

غريب الدار(يهمس في اذن ريلاكس): ادفعون دينار حق مباراه ..دينار حق مسجد او ماتم خبر خير ويا كثر الصد عن هذا الشي.. سترك يار ب

ريلاكس المهاجر : بس صلوا على النبي .ويش فيكم كأنكم سنانير ..ما صارت


بين الشوطين

غريب الدار: يالله ابسرعه يا ريلاكس ..لا تفوتنا صلاة الجماعه ..الظاهر اصلاة ابتدت

ريلاكس المهاجر: انا اخاف اصلي صلاه جماعه وبعدين ايفوتني الشوط الثاني

غريب الدار: بسم الله الرحم الرحيم
قل ما عنده الله خير من اللهو ومن التجاره . والله خير الرازقين..صدق الله العظيم
ريلاكس المهاجر: انت صل جماعه ..انا بصلي على انفراد
سامحني هالمره ..مااعرف اصلي والاخضر يلعب ..يعني صلاتي اعتبرها باطله .. لازم الصلاه يرافقها الخشوع

غريب الدار: على راحتك.. انا اللى علي نصحتك..ها ويش عاشق السامبا بتصلي لو اشلون؟؟

عاشق السامبا: بس اخلص موضوعي ويا زيزو ..على طول عندك انا في المسجد

زيزو : انكمل السالفه يا عاشق السامبا

عاشق السامبا : ويش رايك انصلي وبعدين انكمل سالفتنا؟؟؟

زيزو: يبه الصلاه لاحقين عليها.. الليل طويل .. لو تدري انا هالايام امخرطنها واجد .. يوم اصلي واسبوع لا .. وخاصة صلاة الصبح

عاشق السامبا: ايه .. اكيد .. سهر على النت .. ويش دراك عن الصلاة

زيزو: لو تدري ويش امسوي انا في النت.. ذابح الاولي والاخير..ما خليت شي الا سويته....يا كثر الفضايح اللى تهز الدنيا..الهكرز..نعمه من الله

عاشق السامبا: حرام عليك .. تجسس على الناس .. الله ما يرضي .. ترضى اسوون ليك جذي
زيزو: يا عزيزي .. العلم هو اللى خلانا انصير جذي .. اخوك زيزو الحين احد عباقرة النت.. لو تدري عن الفضايح الى تهز الا ركان ..ويش بتقول

عاشق السامبا : بس العلم ما قال ليك اتخلى الايجابيات وتقوم اطور من السلبيات.. وهذا اللى امبهدل الامه وامخلنها متاخره

زيزو: تدري يا عاشق... البارحه انا دخلت الشات .. اتقول داخل عليهم قيس بن المللوح.. يا كثر هالبنات اللى ماليهم راعي .. من الساعه الواحده الى اربع الصبح طيحت الى خمسه وعشرين ابنيه.. الخبره تلعب دور في جذب الفتيات يا حبيبي

عاشق السامبا: انا احط اللوم كله على اولياء الامور ... اشلون اناموون وبناتهم سهرانين على الشات.. وينكم يا اولياء الامور.. افيقوا

زيزو: اسكت انته لا تخرب علينا ..النت بدون الشات ما منه فايده .. لعلى وعسى يبتسم لينا الحظ

عاشق السامبا: انا بروح اصلي احسن لي من هالسوالف اللى ما تفيد احد

زيزو: عاشق ..عاشق .. معظم الى راحوا اصلون ادخلون الشات .. سلم عليهم

بعد نتهاء المباراه.. بفوز الاخضر::::

فاصل اعلاني .. يالله مسيره شباب ..خلوا الدنيا تهتز ..هذا الاخضر يستاهل واكثر

ريفالدو10: انا اليوم امركب تايرات جدد ..اليوم برويكم الفن ..احرقهم علشان الاخضر

ريلاكس المهاجر: ما قلت ليك يا غريب الدار.. الاخضر سوووا ها..وفرح جماهيره

غريب الدار: ايه... ما قصروا اللاعبين . لعبوا بكل ما عنهم من طاقه علشان ايرفعون اسم ناديهم ويرفعون اسم ديرتهم.. بس لو زين النادي ينظر اشوي الى اللاعبين والى مشاكلهم الاجتماعيه والنفسيه ..صدقني يا ريلاكس لو المسئولين على النادي يبعثون هدايا تقدير وعرفان الى اولياءالامور(الوالدين) سيكون ذلك له اثر نفسي على اللاعبين..

ريلاكس المهاجر: ان شاء الله اتسوي هالفكره اداره النادي وتكون هناك علاقه بين النادي والبيت.. يالله المسيره ابتدت خلنا نشاركهم الفرحه

غريب الدار.. انا في نظري اللى قاعدين اسوونه غلط.. الشارع مو ملك خاص .. الشارع للجميع ..انتون قاعدين تتعدوون على حريه الاخرين.. يا اخواني بس نظروا الى الظروف الطارئه اشلون تنحل وانتون عافسن الشارع

ريلاكس المهاجر: يالله خلنا انروح المطعم تنعشى .. انا اليوم عازمنك على حسابي
غريب الدار: اسمح لي ..انا وعدت الوالد ارجع اراجع.. بكره على امتحان.. اسمح لي.. ما اقدر

ريلاكس المهاجر: ما بنتأخر .. كلها عشر دقايق .. خفف اشوي المصاريف على بيت ابوك. لا تصير عاله عليهم

غريب الدار: ما يرد الكريم الا اللئيم .. يالله ما دام على حسابك.. لا اعتراض على ذلك

[ولد الاكابر]

المشهد الثالث
في السياره



ريلاكس المهاجر: وين تبي تتعشى؟؟ كم غريب الدار عندنا واحد.. ادلل يا غريب

غريب الدار: مشكور ما تقصر.. كللك خير.. بس انت معاشك زين يكفي حق بيتكم.. تكسرون خاطري انتون .. عشره اشخاص ايعيشون على راتب 120 وين صارت؟؟؟؟

ريلاكس المهاجر: الحمد لله على كل حال.. ويش انسوي ..رضينا بالمر والمر مو راضي فينا.. الله يفرجها بس انته قول.. الله موجود هو الرزاق..ما ينسى عبده

غريب الدار:الاجنبي اجي امعزز امكرم. معاش فوق 300 دينار ..هذا غير السكن اللى متوفر اليه .. غير الزيادات السنويه والمكرمات اللى مستفيد منها غير الاجنبي..ولد البلد مسكين راضي بقرص خبز... بس اهم شي اعيش بأمان..لكن وين الأمان

ريلاكس المهاجر: 120 دينار.. اشلون الواحد ايعرس ابها ..الله ايساعد بنات الديره ..ينتظرون الريح بس تهز شراع السفينه.. والريح والحظ واقفين

غريب الدار: على ذكر سالفة العنوسه..بقول ليك قصه فتاه ما وصل عمرها 15 سنه..اشلون هالبنيه تحولت من انسانه الى شيطانه والسبب الفقر والغناء

ريلاكس المهاجر: يالله قول انا احب سوالف البنات واجد

غريب لدار: حسبي الله عليك ..اسمع هالسالفه وخل التعليق حق بعدين



القصه:


ابله عطيات: عظم الله اجوركم

ولائي لبني هاشم: مشكوره رحم الله والديش

عذراء: لا تصيحين يا همسه قمر ... الله يرحمه ..في الجنه ان شاء الله
همسه قمر: اه اه اه اه .. وين رحت عني يا ابويي وخليتني.. منهو لى في هالدنيا غيرك

ابله عطيات : تعالي يا همسه قمر تعالي قعدني ويانا ..يا همسه اتذكري سكينه بنت الحسين (ع) وما شافته من اهوال في كربلاء

همسه قمر : مشكوره اختي ابله عطيات انتين ويا عذراء كل كلكم خير ..اه اه اه اه يا ابوييي

ولائي لبني هاشم : ما قصرتون جزاكم الله خير .. بس همسه روحي نامي انتين اتعبتين اليوم ...اخوش المنهل وين راح..خليه اجي يشتري لينا عشاء

همسه قمر : اخوي المنهل قاعد في حجرته ايصيح.. مو راضي اشوف احد

ولائي لبني هاشم:: ما يصير الحين هو صار رجال البيت .. اشلون امجود حجرته وقاعد..روحي همسه نادي عليه

همسه قمر: يالمنهل..يا لمنهل .. تعالي امي تبيك

المنهل : مالي زاغر احد.. خلوني ابروحي


ولائي لبني هاشم: يا ولدي انت لازم ترضى بلى كتب الله لنا ..ولااعمار بيد الله.. الحين انت رجال البيت ..لازم اتشوف امور البيت

المنهل : ان شاء الله يا امي ...انا لازم اشتغل وترك المدرسه

ولائي لبني هاشم: لا .. لا .. مستحيل اخليك تطلع من المدرسه

المنهل : يمه اشلون اصرف على البيت .. ما فيه احد يشتغل واخواني كلهم اصغار .. يعني لازم ادور على شغل

ولائي :تدري اني بتصرف .. انت ما عليك




تابعونا في الحلقه القادمه

تحياتي .. ولد الاكابر

[نورس]

الله يعافيك يا ولد الاكابر


بس وين دوري

[الهدى]

زيزو هكرز والله حلوه الله يعطيك العافيه ولد الاكابر !!!
وانشاءالله انشوف دورنا في الجزء القادم !!!

اقول انا كنت مشغول من جذي مارحت المباراة حتى شوف الجمهور ماكنت وياهم لاني اعد الى الجزء القادم !!!

اخي بلــــم متواجد مع الجمهور تروح مباريات الديره !!


هههههههههههههه


مشكووووووووووور اخي ولد الاكابر

[ملكاوية]

عجيبة عجيبة والله عجيبة








ننتظر الجزء الثالث.




ولا تتاخرون في عرضه( سامعين)




( فاهمين)











--0

[همسة قمر]

:( :( ابي بابا ..
وين باباتي :(

سر يا ولد الاكابر ..
نحن في الانتظار :p

[بوعباس]

ايه هذا ولدي واعرفه زين :D

بالتوفيق يا ولد الاكابر ..
سيروا ونحن خلفكم ..
مجهود يشكر عليه .. ويستاهل المتابعه ..

هذا الممشهد عجبني .. تدرون ليش ..


لان الاخضر غلب في المباراه ..:D:D:D يعني هذا بيعطينا دافع للمباراة القادمه مع النجمه في الحقيقه ..

بوعباس

[المنهل]

مشكورين على هالجهد الرائع

و حقا شغل متعوب عليه

و خاصة هالمشهد المميز و المخفي متوقع ان يكون أشد و أدهى

يالله راوونا الجزاء الثالث ترى نحن في شغف كبير للجزء الثالث و صرنا في أندماج
لا تطلعونا منه

و لو انه شخصيات واجد تحتاج للتعليق

و أشوف صار لي دور و انا قايل بصير من الجمهور
لكن ما عليه دام انكم نبهتون في البداية انكم بتختارون الاسامي
أشوف عاطيني دور تراجيدي و الله كانك تدري أني أحب التراجيديا

يالله بنشوف النهاية لهذي الشخصية

و لكم تحياتي،،

[خوخة]

ماشاء الله قصة عجيبة وحلوة

انتظر دوري في الجزء الرابع يا ولد الاكابر لا تنساني .


الله يعطيك العافية على الموضوع.:)

[ملكاوية]

يالله قولو قبل مايخلصون التذاكر


خلنا نلحق روحنا

[عذراء]

الصرااااااااااااااااااحة
المشهد
وااااااااااااااااااااااااااااااااااااااااااجد حلوووووووووووووووووو
الله يعطيك العافية
أخوي ولد الاكابر
لكن متى العرض
المشهد الرابع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتي
العذرااء

[ملاك الحزن]

مجهود رائع وتستحق الشكر الجزيل عليه يا ولد الاكابر

واحنا ننتظر المشهد اللي بعدة .. على احر من الجمر

ومشكور كل الشكر على هذا العمل الرائع... والاسلوب جدا رائع في عرض المشاهد

انا ما اتوقع انه يكون لي دور فيه لتعدد الشخصيات البارزة فيه....خخخخ

:D

وتحياتي لك ياولد الاكابر

اختكم ...... ملاك الحزن

[البدرة]

الصراحه عمل حلو :)
بس ابي دوري
لا يكون ما حطيتوني في المسلسل :)

عن معنه اسمي حلو (البدرة
انتظر دوري ها



اختكم
البدرة :)