علوي العلوي
10-15-2004, 12:53 PM
مغامرات .. رمضان في رمضان
أحداث دراماتيكية، كوميدية
مغامرات رمضان في رمضان تأتيكم حصريا على قناة منتديات المالكية.
مغامرات رمضان في رمضان .. تأليف علوي العلوي
بطولة
رمضان أبوهلال العيد .. الزوج
صايمه صيام الهجير .. الزوجه
سهران رمضان أبوهلال .. الابن
سهرانه رمضان أبوهلال .. البنت
عابده رمضان أبو هلال .. البنت
(أول مغامرة)
شعبان: رمضان .. ويش قاعد تسوي؟
رمضان: أوه .. اسكت عني .. أنا مشغول ومنهك الحين.
شعبان: مشغول ومنهك؟ .. قول لي شتسوي؟
رمضان: قاعد اتصفح الجريده!
شعبان: شفيها الجريده؟ .. خبرني.
رمضان: قاعد أدون اسماء جميع المسلسلات اللي بتنعرض في شهر رمضان ..... أيوه خلاص .. الحين الجدول جاهز! .. سجلت كل مسلسل بوقته وقناته .. حتى القرقيعان والكاميره الخفية سجلتهم .. يا سلام .. الحين اكيد زوجتي واعيالي من يشوفون هالجدول بيستانسون .. وهاذي أحسن هديه أقدمها ليهم في هالشهر المبروك .. هدية الشهر هادي .. يا سلام. ............ نعم .. قول اشعندك انته؟ .. عورت راسي.
شعبان: سجلت ودوَنت كل مسلسل بوقته وقناته؟
رمضان: إيه نعم .. شهر رمضان بكره وانا ما عندي وقت .. لازم ما نضيع دقيقه منه بدون شغله ولا مشغله .. ما ابغي افوَت مسلسل من مسلسلاته حتى لو ينعرض بعد اذان الفجر .. بسهر ليه بسهر ليه .. حتى برنامج الكاميرا الخفية سجلت وقته ما بفوته .. سويت ليي جدول علشان اعرف كل أوقات وأسماء جميع المسلسلات والبرامج .... لا .. ولايفوتك بعد .. بسوي ليي نسخ من هالجدول وبوزعه على الديره كلها ..... هووووف .. تعبت .. ما في شي في هالدنيا يجي بدون تعب!
شعبان: يعني انته الحين تعبت واجتهدت .. وقاعد تطرح رسالتك العمليه للناس علشان يقلدونك.
رمضان: تتطنز؟
شعبان: ما ادري عنك؟ .. شوف نفسك اشقاعد تسوي واحكم .. عيب عليك .. أنت رجال طفت الاربعين من عمرك .. تاعب روحك .. واسكت عني .. وأنا مشغول ومنهك .. وتعد وتجدول ليك وللناس مسلسلات .. كاميره خفيه .. قرقيعان .. وغنائيات وووو .. وكلام فارغ! .. هذا قدر الشهر الفضيل عندكم؟ .. هذا بدال ما تكثرون من العبادة في هالشهر الفضيل .. ملهي نفسك في كلام لا يودي ولا يجيب؟ وچان زين تاخدون وتتعضون بالنصايح اللي في بعضهم .. عيب عليكم عيب .. إذا ما بتسوون شي ينفعكم لا تسوون شي يضركم.
رمضان: فراغ .. شنسوي؟ .. والناس كلها چدي.
شعبان: فراغ؟ .. چيف شهر رمضان يحول ويهل علينا بالفراغ علشان ما فيه شي مفيد نسويه فيه؟ .. عيب عليكم يا ناس .. استحوا اشوي .. خجلوا من تصرفاتكم .. لا تخلون حياتكم تافهه وماليها معنى .. اخذوا من كل شي ما يعادل مقدار الملح في الطعام ..... والغريب في الامر .. انكم مسلمين!! .. أمركم مضحك مبكي يا مسلمين! .. الكفار اللي هم كفار .. لو عندهم شهر رمضان ويصومونه .. چان ما أجتهدوا وسوو واحد بالمئة من اللي تسوونه وتفعلونه بإسراف يا ...... يا أسماء مسلمين!
رمضان: هيه أنته .. هاك شوف .. الزم حدودك وعن الغلط .. فهمت! .. إحنا أحرار .. وكيفنا في حياتنا.
شعبان: فعلا انا غلطان ولازم الزم حدودي .. غلطان واجد واجد .. غلطان إني أكلم .... أنعااااااام .. في أمان الله.
رمضان: روح يبه روح .. الله وياك .. متفرغ جاي يقدم لي نصيحه على باله بسمعه .. يبه روح .. وفر نصايحك لنفسك ..... الجدول! .. وين الجدول؟ .. وين راح؟ .. وين خليته؟ .. وا حسرتي! .. رحت فيها ..... هذا هوه .. أشوه .. ردَت ليي روحي من جديد .. لو ضاع چان بيخليني أعد لي واحد غيره من أول .......
إلى اللقاء بكم غدا بمشيئة الله.
تحياتي لكم جميعا.
علوي العلوي
أحداث دراماتيكية، كوميدية
مغامرات رمضان في رمضان تأتيكم حصريا على قناة منتديات المالكية.
مغامرات رمضان في رمضان .. تأليف علوي العلوي
بطولة
رمضان أبوهلال العيد .. الزوج
صايمه صيام الهجير .. الزوجه
سهران رمضان أبوهلال .. الابن
سهرانه رمضان أبوهلال .. البنت
عابده رمضان أبو هلال .. البنت
(أول مغامرة)
شعبان: رمضان .. ويش قاعد تسوي؟
رمضان: أوه .. اسكت عني .. أنا مشغول ومنهك الحين.
شعبان: مشغول ومنهك؟ .. قول لي شتسوي؟
رمضان: قاعد اتصفح الجريده!
شعبان: شفيها الجريده؟ .. خبرني.
رمضان: قاعد أدون اسماء جميع المسلسلات اللي بتنعرض في شهر رمضان ..... أيوه خلاص .. الحين الجدول جاهز! .. سجلت كل مسلسل بوقته وقناته .. حتى القرقيعان والكاميره الخفية سجلتهم .. يا سلام .. الحين اكيد زوجتي واعيالي من يشوفون هالجدول بيستانسون .. وهاذي أحسن هديه أقدمها ليهم في هالشهر المبروك .. هدية الشهر هادي .. يا سلام. ............ نعم .. قول اشعندك انته؟ .. عورت راسي.
شعبان: سجلت ودوَنت كل مسلسل بوقته وقناته؟
رمضان: إيه نعم .. شهر رمضان بكره وانا ما عندي وقت .. لازم ما نضيع دقيقه منه بدون شغله ولا مشغله .. ما ابغي افوَت مسلسل من مسلسلاته حتى لو ينعرض بعد اذان الفجر .. بسهر ليه بسهر ليه .. حتى برنامج الكاميرا الخفية سجلت وقته ما بفوته .. سويت ليي جدول علشان اعرف كل أوقات وأسماء جميع المسلسلات والبرامج .... لا .. ولايفوتك بعد .. بسوي ليي نسخ من هالجدول وبوزعه على الديره كلها ..... هووووف .. تعبت .. ما في شي في هالدنيا يجي بدون تعب!
شعبان: يعني انته الحين تعبت واجتهدت .. وقاعد تطرح رسالتك العمليه للناس علشان يقلدونك.
رمضان: تتطنز؟
شعبان: ما ادري عنك؟ .. شوف نفسك اشقاعد تسوي واحكم .. عيب عليك .. أنت رجال طفت الاربعين من عمرك .. تاعب روحك .. واسكت عني .. وأنا مشغول ومنهك .. وتعد وتجدول ليك وللناس مسلسلات .. كاميره خفيه .. قرقيعان .. وغنائيات وووو .. وكلام فارغ! .. هذا قدر الشهر الفضيل عندكم؟ .. هذا بدال ما تكثرون من العبادة في هالشهر الفضيل .. ملهي نفسك في كلام لا يودي ولا يجيب؟ وچان زين تاخدون وتتعضون بالنصايح اللي في بعضهم .. عيب عليكم عيب .. إذا ما بتسوون شي ينفعكم لا تسوون شي يضركم.
رمضان: فراغ .. شنسوي؟ .. والناس كلها چدي.
شعبان: فراغ؟ .. چيف شهر رمضان يحول ويهل علينا بالفراغ علشان ما فيه شي مفيد نسويه فيه؟ .. عيب عليكم يا ناس .. استحوا اشوي .. خجلوا من تصرفاتكم .. لا تخلون حياتكم تافهه وماليها معنى .. اخذوا من كل شي ما يعادل مقدار الملح في الطعام ..... والغريب في الامر .. انكم مسلمين!! .. أمركم مضحك مبكي يا مسلمين! .. الكفار اللي هم كفار .. لو عندهم شهر رمضان ويصومونه .. چان ما أجتهدوا وسوو واحد بالمئة من اللي تسوونه وتفعلونه بإسراف يا ...... يا أسماء مسلمين!
رمضان: هيه أنته .. هاك شوف .. الزم حدودك وعن الغلط .. فهمت! .. إحنا أحرار .. وكيفنا في حياتنا.
شعبان: فعلا انا غلطان ولازم الزم حدودي .. غلطان واجد واجد .. غلطان إني أكلم .... أنعااااااام .. في أمان الله.
رمضان: روح يبه روح .. الله وياك .. متفرغ جاي يقدم لي نصيحه على باله بسمعه .. يبه روح .. وفر نصايحك لنفسك ..... الجدول! .. وين الجدول؟ .. وين راح؟ .. وين خليته؟ .. وا حسرتي! .. رحت فيها ..... هذا هوه .. أشوه .. ردَت ليي روحي من جديد .. لو ضاع چان بيخليني أعد لي واحد غيره من أول .......
إلى اللقاء بكم غدا بمشيئة الله.
تحياتي لكم جميعا.
علوي العلوي