أنوار القلوب
02-07-2005, 12:54 AM
تحياتي المعطرة بالفل والياسمين للجميع
ها انا أعود لكم من جديد بهذه الحلقات المسلسلة التي تحكي بعضا من معاناة المواطن البحريني
اتمنى أن تلاقي استحسانكم
" الحلقة الأولى "
في بيت من أحد البيوت البحرينية او فالنقل البحرانية
تجري هذه الأحداث
هذا البيت قديم جدا وغير صالح للإستخدام الآدمي
بل انه آيل للسقوط
تسكن أسرة بحرانية من ذوي الدخل المحدود جدا جدا
تعالوا معي نتابع مايجري
فأنا اسمع صراخا وعويل
.
.
.
.
نرجس مستحمقة : أماه هدويش هالبقع اللي في مريولي .. أحد يحط
بيوض في المريول؟.. الحين ويش اسوي
الأم : اهو زين جيبيه خليني انقعة في البيوض عشان يصير كله لون واحد
نرجس : أووووووووووه .. ما ليي خص ابغي مريول جديد
الأم : جان غسلتينه بروحش .. ويش فيها ايدش معضبة .. اني بغسل لو بطبخ لو باخم ماني مكينه .. حتى المكينة تخترب
نرجس ودموعها تخر : ماني ماني اذا ما اشتريتون ليي مريول جديد ماني رايحه المدرسة
الأم : ومن وينه اشتري لش مريول جديد يطايحة الحظ.. احنا آخر الشهر والمعاش من زمان خلص .. واحنا على بابك ياكريم
نرجس دخلت الحجرة وصفقت الباب وراها وقامت تصيح
رقيه : ويش صاير ويش فيها نرجس تصارخ
الأم : تقول مريولها في بقعة بيوض وتبغي مريول جديد والله ما هي رايحة المدرسة
رقية : والله مشكلة .. باروح أحاجيها
وراحت الحجرة لنرجس
رقية: ويش فيه القمر يصيح
نرجس : ما ادري عن امش .. اني الحين جيفه أروح المدرسة .. ومريولي مبقع..كل البنات بيتطنزون عليي .. أقعد في البيت أحسن ليي
رقيه : ويش هالحجي .. نسيتين إن هدي آخر سنه لش في المدرسة جيفه تضيعينها عليش بسبة مريول
نرجس : اني قلت ليكم لو ويش يصير ماني رايحة المدرسة بهالمريول
رقيه : تدرين الحين ما في بيزات .. وبعدين قزري ابه ما باقي شي وتخلص السنه
نرجس ودموعها تهل : ماليي خص .. اهي اهي اهي .. ما أحد يحس
فيني .. علبالكم سهلة أروح المدرسة بهالمريول مو كفاية ألبس جوتي
مال اول اللعام .. حتى مساميرة طلعت وقام يغززني .. وقلت ما
عليه ..مايبين لكن المريول واضحة البقعة اللي فية
كأنها خمس ربيات والبنات من غير شي يتطنزون
بعد بشوفوني جدي وبسوني مسخرة
وبينما هم يتكلمون طاح المطر لانهم في فصل الشتاء وقام السقف يخر
رقية : قومي ايايي بسرعة خلنه نجيب جم صفرية خلنا نحطهم مكان اللي يخر قبل ما تتغرق الحجرة
نرجس حطت للحاف على وجهها : ماني قايمه
قامت رقية جابت ليها جم صفرية على جم سطل وحطتهم : وقام المطر
ينقط داخل الصفاري بصوت مزعج
طق طق طق " كأنه موسيقة حسب الله"
نرجس : أووووووووووووف ويش هالعيشة ..والله قهر
رقية : ويش نسوي بعد ..ما تم مكان ما طرشنه ليهم رسالة .. طرشنه
للاسكان ولا زال الامر قيد النظر.. والصندوق جو كشفوا على البيت ولا حس ولاخبر
نرجس : يعني هدي حالة بيت يسكنه مواطن .. أني احس انا هالبيت
بيطيح على روسنه يوم من ليام وبنموت وبنفتك من هالعيشة
وبينما هم يتكلمون ...
أنتظروا البقية في الحلقة القادمة
ها انا أعود لكم من جديد بهذه الحلقات المسلسلة التي تحكي بعضا من معاناة المواطن البحريني
اتمنى أن تلاقي استحسانكم
" الحلقة الأولى "
في بيت من أحد البيوت البحرينية او فالنقل البحرانية
تجري هذه الأحداث
هذا البيت قديم جدا وغير صالح للإستخدام الآدمي
بل انه آيل للسقوط
تسكن أسرة بحرانية من ذوي الدخل المحدود جدا جدا
تعالوا معي نتابع مايجري
فأنا اسمع صراخا وعويل
.
.
.
.
نرجس مستحمقة : أماه هدويش هالبقع اللي في مريولي .. أحد يحط
بيوض في المريول؟.. الحين ويش اسوي
الأم : اهو زين جيبيه خليني انقعة في البيوض عشان يصير كله لون واحد
نرجس : أووووووووووه .. ما ليي خص ابغي مريول جديد
الأم : جان غسلتينه بروحش .. ويش فيها ايدش معضبة .. اني بغسل لو بطبخ لو باخم ماني مكينه .. حتى المكينة تخترب
نرجس ودموعها تخر : ماني ماني اذا ما اشتريتون ليي مريول جديد ماني رايحه المدرسة
الأم : ومن وينه اشتري لش مريول جديد يطايحة الحظ.. احنا آخر الشهر والمعاش من زمان خلص .. واحنا على بابك ياكريم
نرجس دخلت الحجرة وصفقت الباب وراها وقامت تصيح
رقيه : ويش صاير ويش فيها نرجس تصارخ
الأم : تقول مريولها في بقعة بيوض وتبغي مريول جديد والله ما هي رايحة المدرسة
رقية : والله مشكلة .. باروح أحاجيها
وراحت الحجرة لنرجس
رقية: ويش فيه القمر يصيح
نرجس : ما ادري عن امش .. اني الحين جيفه أروح المدرسة .. ومريولي مبقع..كل البنات بيتطنزون عليي .. أقعد في البيت أحسن ليي
رقيه : ويش هالحجي .. نسيتين إن هدي آخر سنه لش في المدرسة جيفه تضيعينها عليش بسبة مريول
نرجس : اني قلت ليكم لو ويش يصير ماني رايحة المدرسة بهالمريول
رقيه : تدرين الحين ما في بيزات .. وبعدين قزري ابه ما باقي شي وتخلص السنه
نرجس ودموعها تهل : ماليي خص .. اهي اهي اهي .. ما أحد يحس
فيني .. علبالكم سهلة أروح المدرسة بهالمريول مو كفاية ألبس جوتي
مال اول اللعام .. حتى مساميرة طلعت وقام يغززني .. وقلت ما
عليه ..مايبين لكن المريول واضحة البقعة اللي فية
كأنها خمس ربيات والبنات من غير شي يتطنزون
بعد بشوفوني جدي وبسوني مسخرة
وبينما هم يتكلمون طاح المطر لانهم في فصل الشتاء وقام السقف يخر
رقية : قومي ايايي بسرعة خلنه نجيب جم صفرية خلنا نحطهم مكان اللي يخر قبل ما تتغرق الحجرة
نرجس حطت للحاف على وجهها : ماني قايمه
قامت رقية جابت ليها جم صفرية على جم سطل وحطتهم : وقام المطر
ينقط داخل الصفاري بصوت مزعج
طق طق طق " كأنه موسيقة حسب الله"
نرجس : أووووووووووووف ويش هالعيشة ..والله قهر
رقية : ويش نسوي بعد ..ما تم مكان ما طرشنه ليهم رسالة .. طرشنه
للاسكان ولا زال الامر قيد النظر.. والصندوق جو كشفوا على البيت ولا حس ولاخبر
نرجس : يعني هدي حالة بيت يسكنه مواطن .. أني احس انا هالبيت
بيطيح على روسنه يوم من ليام وبنموت وبنفتك من هالعيشة
وبينما هم يتكلمون ...
أنتظروا البقية في الحلقة القادمة