الصريح
11-03-2002, 07:19 AM
البوم صور بوراشد.
حكايات واقعية
يكتبها ويخرجها لكم في حلقات ... الصريــــــــح.
( الصورة الاولى )
بوعبدالله دخل بيتهم في تمام الساعة التاسعة والنصف من مساء يوم الخميس ليلة الجمعة كان توه راجع من العمل، جلس على الكرسي وزفر زفره من التعب والشقا في العمل.. و غمضت عيونه شوي وهو جالس على الكرسي حتى من دون ما يغسل وجهه! دقايق معدودة.. قحص بو عبدالله من النوم على رنين التلفون....
الو.... من؟
مرحبا بوعبدالله..
رد وهوه يحك راسه.. هلا .. من؟
انا صديقك بو راشد..
هلا بوراشد... شلونك؟
تمام.. انته شلونك؟
الحمد لله.. توني راد من الشغل.. من الصبح هلكان توني راد البيت..
الله يعطيك العافيه.. اسمع بقول لك..
قول اسمعك...
ابغيك تجهز نفسك الحين بمر عليك ...
خير.... وين؟
كل خير... جهز حالك وغسل وجهك.. كلها ربع ساعة وجاينك..
بوراشد شصاير؟.. وين نروح؟
بنروح نشوف عنز!!
عنز؟.. عنز؟... الحين يبوراشد متصل لي هالحزة.. وانته تعرف اني جاي تعبان
علشان نروح نشوف عنز!!! انا شا سوي بالعنز؟ من قلتهم بالديره ثم انا
مو راعي عنز ولا لي اهتمامات بالعنز... الله يهداك يبوراشد....
اقول لك جهز حالك.. بنشوف عنز وسبلان..
عنز وسبلان بعد؟؟؟
اقول بوراشد انت خرفت .. بوراشد انته تعبان؟ اوديك الطبيب؟؟
يبو عبدالله.. انا مو تعبان ولا شي.. انا بس بغيتك تروح معاي تشوف العنز الغريب،
عنز غير العنز.. سبلان غير السبلان اللي عندنا واللي نشوفهم.. بتستغرب لو تشوفهم!
جهز نفسك بس.. وعن الكلام الزايد... اوكيه دقايق وانا عندك.. باي.
بوراشد هذا استجن عنز وسبلان؟؟؟ احد يعاين عنز وسبلان بالليل؟ يالله اجهز نفسي وامري لله.
اشوف آخرتها ويا هالمخبول هذا...
ومرت الدقايق...... والا بوراشد يضرب هرن على بوعبدالله.. وينك؟
زين جاي ..جاي.. نشوف آخرتها ويا هالمخرف هذا!!!
ركب السياره.. سلام عليكم..
عليكم السلام..
الحين انته ما تقدر تعبي؟؟ ما تدري اني توني جاي من الشغل تعبان!!
ادري... بس انا حبيت ما تفوت المناظر الحلوه .. بتشوف مناظر على الطبيعه..
عنز.. مناظر حلوه وعلى الطبيعه؟ وين المناظر ويا وجهك؟؟
ههههههه اصبر اشفيك مستعجل؟.. الحين كلها دقايق ونوصل..
الله يستر منك انته ... اللي يطاوعك يضيع..
زين اوكيه ... خلاص .. انزل وصلنا.. بس يبين وصلنا من وقت!! الصاله فاضيه!
من وقت؟؟ .. الساعة عشر ونصف تقول من وقت.. بسرعه يبوراشد انا تعبان ..خلصني
وين العنز؟؟
دش .. تحرك..( لو سمحت عطنا ثنتين كورنر.. احسن)
ثنتين؟؟ كورنر؟ ما ادري ويش السالفه؟
(يدخلون)
هاذي الا صالة رياضيه؟؟؟ .. العنز بيلعب كوره ويا السبلان؟؟؟
ههههههه حسبي الله على سوالفك... اصبر وشوف .. شوف هالناس اللي تتسحب وتدخل الصاله
هذيلا بعدين بيتغيرون!!!!!!!!
يتغيرون؟؟ شلون؟؟
اصبر وبتشوف صحة كلامي..
(بعد اكتمال مقاعد الصالة بالكامل) هذا غير الناس اللي وصلو متأخرين ورجعوهم
بو عبد الله.. كلها دقايق وبتشوف العنز والسبلان.. قام حظك.. شعليك بيبو عبدالله من قدك؟
بو راشد .. الله يخلف عليك بالعقل..
وفعلا دقائق مثل ما قال بوراشد.. صارت فيه حركة سريعه غطت مدرجات الصالةو ارضية الصالة
بطاقم من الاشخاص الكل حامل بيده حديده و جهاز!!!!!!!
وبعد شوي.. طلعت من بين الكواليس وحده.. وحده مو من الاودم.. ترحب بالحضور
وتتمنى ليهم سهرة سعيده!!
بو عبدالله يقول لبوراشد .. سهرة سعيده؟ نشوف عنزوسبلان سهرة سعيده!! ويش هالطنازه يبوراشد
آخر زمن صرت ليك مطنزه.. انا تعبان من الشغل جايبني تتطنز عليي يبوراشد!!
شوف بو عبدالله.. الحين بيبدون... ايوه.. ايوه..
مرت ساعتين وما شفنا العنز يابوراشد.!!! وينهم؟؟ هذيلا ناس ..........................
الحين بوراشد.. شوف شوف العنز.. شوف شيسوون!!!!
وينهم ما اشوف شي! وينهم؟
طالع عدل... زكز شوف... هناك شوف شيسون العنز!!! بل بل بل .. اوووه .. اووووه
عاشوا العنز.. عاشو السبلان!!!!!
انا ما اشوف شي يبو راشد.. وينهم؟
ما تشوف؟؟ هذيلا العنز يابو عبدالله.. هذيلا اللي يرقصون فوق المدرجات..
هذيلا عنز؟؟ هذيلا عنز؟ بس هذيلا بني آدم والله كرم بني آدم!!!
نعم صح كلامك.. الله كرم بني آدم اللي مثلك يابو عبدالله..بس هذيلا في نظري عنز وسبلان..
ما يبغون الكرامه لنفسهم.. فضلوا يتحولون من بني آدم الى حيوانات يرقصون ويغنون..
على انغام الموسيقى.. وهذا اللي واقف في وسط الصالة وحامل بيده الميكرفون.. هذا ابليس يرقصهم!!
بوراشد... بوراشد... اول مره تقول شي صح في حياتك يابو راشد.. قوم.. قوم طلعني من
هالمكان.. كفرتني يبوراشد.. انا آخر عمري .. توديني هالاماكن؟ افا عليك افا يبو راشد..
بو عبدالله انا اطلعك من عزلتك.. بغيتك تشوف بعض من صور الناس على حقبقتها .. شلون تفكر
شلون تتعامل.. شلون تتصرف شتسوي .. شتلبس.. شتاكل.. الناس تجننت يبوراشد
وصارت الناس غير الناس ونعيش ونشوف..
اذا الناس مثل هالنوعيه.. خلني في بيتي.. كافي خيري شري احسن لي .. ما ابغي دنياكم هاذي
يبوراشد ما ابغيها... قوم ودني البيت برتاح .. تف عليش يدنيا اذا هاذي ناسش.. تف عليش.
بوعبدالله انته ما شفت شي!!
اكثر من هذا بشوف بعد؟؟؟
ايــــــــه .. الالبوم كبير... وفيه صور واجد.. وانته توك في الصورة الاولى.
جهز نفسك للصورة الثانية...يبوعبدالله.
اخواني الاعزاء ... اتمنى ان تحوز الصورة على اعجابكم..
الى اللقاء مع الصورة الثانية من.. البوم صور بوراشد.. الى اللقاء..
حكايات واقعية
يكتبها ويخرجها لكم في حلقات ... الصريــــــــح.
( الصورة الاولى )
بوعبدالله دخل بيتهم في تمام الساعة التاسعة والنصف من مساء يوم الخميس ليلة الجمعة كان توه راجع من العمل، جلس على الكرسي وزفر زفره من التعب والشقا في العمل.. و غمضت عيونه شوي وهو جالس على الكرسي حتى من دون ما يغسل وجهه! دقايق معدودة.. قحص بو عبدالله من النوم على رنين التلفون....
الو.... من؟
مرحبا بوعبدالله..
رد وهوه يحك راسه.. هلا .. من؟
انا صديقك بو راشد..
هلا بوراشد... شلونك؟
تمام.. انته شلونك؟
الحمد لله.. توني راد من الشغل.. من الصبح هلكان توني راد البيت..
الله يعطيك العافيه.. اسمع بقول لك..
قول اسمعك...
ابغيك تجهز نفسك الحين بمر عليك ...
خير.... وين؟
كل خير... جهز حالك وغسل وجهك.. كلها ربع ساعة وجاينك..
بوراشد شصاير؟.. وين نروح؟
بنروح نشوف عنز!!
عنز؟.. عنز؟... الحين يبوراشد متصل لي هالحزة.. وانته تعرف اني جاي تعبان
علشان نروح نشوف عنز!!! انا شا سوي بالعنز؟ من قلتهم بالديره ثم انا
مو راعي عنز ولا لي اهتمامات بالعنز... الله يهداك يبوراشد....
اقول لك جهز حالك.. بنشوف عنز وسبلان..
عنز وسبلان بعد؟؟؟
اقول بوراشد انت خرفت .. بوراشد انته تعبان؟ اوديك الطبيب؟؟
يبو عبدالله.. انا مو تعبان ولا شي.. انا بس بغيتك تروح معاي تشوف العنز الغريب،
عنز غير العنز.. سبلان غير السبلان اللي عندنا واللي نشوفهم.. بتستغرب لو تشوفهم!
جهز نفسك بس.. وعن الكلام الزايد... اوكيه دقايق وانا عندك.. باي.
بوراشد هذا استجن عنز وسبلان؟؟؟ احد يعاين عنز وسبلان بالليل؟ يالله اجهز نفسي وامري لله.
اشوف آخرتها ويا هالمخبول هذا...
ومرت الدقايق...... والا بوراشد يضرب هرن على بوعبدالله.. وينك؟
زين جاي ..جاي.. نشوف آخرتها ويا هالمخرف هذا!!!
ركب السياره.. سلام عليكم..
عليكم السلام..
الحين انته ما تقدر تعبي؟؟ ما تدري اني توني جاي من الشغل تعبان!!
ادري... بس انا حبيت ما تفوت المناظر الحلوه .. بتشوف مناظر على الطبيعه..
عنز.. مناظر حلوه وعلى الطبيعه؟ وين المناظر ويا وجهك؟؟
ههههههه اصبر اشفيك مستعجل؟.. الحين كلها دقايق ونوصل..
الله يستر منك انته ... اللي يطاوعك يضيع..
زين اوكيه ... خلاص .. انزل وصلنا.. بس يبين وصلنا من وقت!! الصاله فاضيه!
من وقت؟؟ .. الساعة عشر ونصف تقول من وقت.. بسرعه يبوراشد انا تعبان ..خلصني
وين العنز؟؟
دش .. تحرك..( لو سمحت عطنا ثنتين كورنر.. احسن)
ثنتين؟؟ كورنر؟ ما ادري ويش السالفه؟
(يدخلون)
هاذي الا صالة رياضيه؟؟؟ .. العنز بيلعب كوره ويا السبلان؟؟؟
ههههههه حسبي الله على سوالفك... اصبر وشوف .. شوف هالناس اللي تتسحب وتدخل الصاله
هذيلا بعدين بيتغيرون!!!!!!!!
يتغيرون؟؟ شلون؟؟
اصبر وبتشوف صحة كلامي..
(بعد اكتمال مقاعد الصالة بالكامل) هذا غير الناس اللي وصلو متأخرين ورجعوهم
بو عبد الله.. كلها دقايق وبتشوف العنز والسبلان.. قام حظك.. شعليك بيبو عبدالله من قدك؟
بو راشد .. الله يخلف عليك بالعقل..
وفعلا دقائق مثل ما قال بوراشد.. صارت فيه حركة سريعه غطت مدرجات الصالةو ارضية الصالة
بطاقم من الاشخاص الكل حامل بيده حديده و جهاز!!!!!!!
وبعد شوي.. طلعت من بين الكواليس وحده.. وحده مو من الاودم.. ترحب بالحضور
وتتمنى ليهم سهرة سعيده!!
بو عبدالله يقول لبوراشد .. سهرة سعيده؟ نشوف عنزوسبلان سهرة سعيده!! ويش هالطنازه يبوراشد
آخر زمن صرت ليك مطنزه.. انا تعبان من الشغل جايبني تتطنز عليي يبوراشد!!
شوف بو عبدالله.. الحين بيبدون... ايوه.. ايوه..
مرت ساعتين وما شفنا العنز يابوراشد.!!! وينهم؟؟ هذيلا ناس ..........................
الحين بوراشد.. شوف شوف العنز.. شوف شيسوون!!!!
وينهم ما اشوف شي! وينهم؟
طالع عدل... زكز شوف... هناك شوف شيسون العنز!!! بل بل بل .. اوووه .. اووووه
عاشوا العنز.. عاشو السبلان!!!!!
انا ما اشوف شي يبو راشد.. وينهم؟
ما تشوف؟؟ هذيلا العنز يابو عبدالله.. هذيلا اللي يرقصون فوق المدرجات..
هذيلا عنز؟؟ هذيلا عنز؟ بس هذيلا بني آدم والله كرم بني آدم!!!
نعم صح كلامك.. الله كرم بني آدم اللي مثلك يابو عبدالله..بس هذيلا في نظري عنز وسبلان..
ما يبغون الكرامه لنفسهم.. فضلوا يتحولون من بني آدم الى حيوانات يرقصون ويغنون..
على انغام الموسيقى.. وهذا اللي واقف في وسط الصالة وحامل بيده الميكرفون.. هذا ابليس يرقصهم!!
بوراشد... بوراشد... اول مره تقول شي صح في حياتك يابو راشد.. قوم.. قوم طلعني من
هالمكان.. كفرتني يبوراشد.. انا آخر عمري .. توديني هالاماكن؟ افا عليك افا يبو راشد..
بو عبدالله انا اطلعك من عزلتك.. بغيتك تشوف بعض من صور الناس على حقبقتها .. شلون تفكر
شلون تتعامل.. شلون تتصرف شتسوي .. شتلبس.. شتاكل.. الناس تجننت يبوراشد
وصارت الناس غير الناس ونعيش ونشوف..
اذا الناس مثل هالنوعيه.. خلني في بيتي.. كافي خيري شري احسن لي .. ما ابغي دنياكم هاذي
يبوراشد ما ابغيها... قوم ودني البيت برتاح .. تف عليش يدنيا اذا هاذي ناسش.. تف عليش.
بوعبدالله انته ما شفت شي!!
اكثر من هذا بشوف بعد؟؟؟
ايــــــــه .. الالبوم كبير... وفيه صور واجد.. وانته توك في الصورة الاولى.
جهز نفسك للصورة الثانية...يبوعبدالله.
اخواني الاعزاء ... اتمنى ان تحوز الصورة على اعجابكم..
الى اللقاء مع الصورة الثانية من.. البوم صور بوراشد.. الى اللقاء..