وش اللي يرفع ضغطك وانت تمشّي السيارة؟؟

[نبض المشاعر]

بسمه تعالى

تحية طيبة وبعد ...
أرحب بالجميع في هذا الطرح الخفيف ...

الكل يتعرض لمواقف غريبة وعجيبة وأحيانا طريفة يوميا ًخلال قيادته اليومية للسيارة في الطرقات ..

السؤال المطروح هنا ...
ما هي أكثر الملاحظات التي تتسبب لك في رفع الضغط والتي ترى انه يجب استئصالها من قبل قائدي السيارات الآخرين ومرتادي الطرق ولو حتى من المشاة..؟

قل رأيك بصراحة ..........................

ودمتم ,,

[sami_aljaber]

هو ادا واحد يملل يضرب هرن واجد واجد تعور الراس ويرفع الظغط

[بنت الوادي]

صراحة .....بعض الرجال كله عندهم إن المراه لاتستطيع قيادة السيارة بجرأة قيادة الرجل .
تلاحظ أن البعض و ليس الجميع طبعا يستهزأ بالمرأه عندما تحاول الخروج من مأزق مروري أو ما شابهه ، البعض يخرج رأسه من السيارة ....هي ...وهو عاطنه ريس ومحفص ويلات كأنه ما يشوف أحد قدامه بالرغم من أن السيد حق المرة .....
هذا أزيد شي يوترني و يرفع ضعطي عدم أحترام بعض السواق للمرأة !!

[البرازيلي]

هو ادا واحد يملل يضرب هرن واجد واجد تعور الراس ويرفع الظغط

[MULLA GOoRG]

ازيد شي يرفع الضغط صراحة
اذا قدامك هــنـــدي
او بــنــت

عجل ويش الحالة اذا الي قدامك هـــنـــديـــة ههههههههههههههههههههه

طبعا مو كل البنات
انما بس فئة منهم مقدرة سياقتهم محدودة و في بعضهم محترفات صراحة

[النعيمــي]

انا الي يقهرني الصارحه اذا بروح الشغل وشخص قعد يمشي في الخط اليسار ويمشي عله راحته وله يتحركه من المسار ماله اذا اشوف سياراه خلفه يقهرني انا تقريبا كل بين يومين لزم يطلع ليي واحد في الشارع جذي ما يتحركون ضرب ديم فول ما يتحرك من مكانه انا ادخل عليهم مره وحده علشان مره ثانيه ما اعاند شكرا عله الموضوع الحلو

تحياتي النعيمــي

[نبض المشاعر]

مراحب جميعا..

sami_aljaber
مشكور على الرد السريع.. واذا السالفة سالفة "هرن" هذي واجد هينة..


بنت الوادي
أتفق وياش، بعض السواق ما يحترمون المرأة في السياقة .. لكن بقول لج كلمة سر " بعض النسوان فعلا فعلا يرفعون الضغط " ولا عاد اذا وقفت سيارتها في نص الشارع ونزلت دخلت محل .. أف ان ضغطى يرتفع..

MULLA GOoRG
الهنود مو بس يرفعون الضغط الا يحطمونه ..

النعيمــي
عادة اللي يجودون اليسار ولا يتحركون فيهم عيب شرعي وهو انهم ما يقدرون يطالعون الشارع قدامهم والمرايه الجانبية في نفس الوقت.. ويمكن لو يسوون هالحركة تكون النتيجة بلا شك حادث ..:hah: .. الله يساعدك على طلعة الشغل اللي أعتبرها هم لحاله والهم الثاني اللي يعور القلب وهو بعض الناس اللي في الشارع..

[cowboy]

قوة شباب
اولا مشكورة اختي نبض المشاعر على الموضوع الحلو وما تقصرين
ومشكورين شباب على التفاعل وما تقصرون
والله ما ادري ويش اقول ليكم
الصراحة الا يرفع الضغط اكثر شي عندي الهنود في الشارع عنده سيارة موديل 60 وامشي ابها على راحته
ثاني شي المراة ترفع الضغط بس لازم نعذرها لان المراة خوافة ويعني لو واحد اجي يضرب عليها هرن سيده اسوي حادث
ومشكورين ...

[نبض المشاعر]

بالنسبة لي أشياء واجد أصادفها في الشارع وترفع ضغطي..

* الشباب اللي ينسدحون في السيارة كأنهم في مركبة فضائية مو في سيارة..

* لما تكون في سيد عند الاشارة ويجي لك واحد متفرغ ويبغي يدخل غصب زور في السيد..

* الشباب اللي يوقفون في نص الشارع ويكلمون ربعهم على بالهم انه شارع أبوهم.. ما يقدرون يصفطون على برد ويكلمون ربعهم، لا،، لازم يكلمه في نص الشارع وانت اللي لازم تطلع على الرصيف اذا ما عجبك الوضع..

* الشباب اللي يرفعون المسجل حدّه على أغاني أجنبية وتلاقيهم ما يعرفون يكتبون حتى اسمهم..

* الشباب اللي يمشّون 40 على الهاي وي واذا تجاوزتهم ينطّ فيهم عرق الكرامة و يودوسون وياك race بس علشان يصيرون قدامك مرة ثانية ويردون يعيدون الحركة مرة ثانية.. على بالهم الناس فاضية ما عندها شغل الا انها تلعب في الشارع القطو والفار..

* لا تقولون اني حطيت على الشباب لأني بنية.. فيه بنات واجد يرفعون الضغط في الشارع خصوصا لما توقف سيارتها في نص الشارع وتنزل تدخل محل،، "تقول يعني من زود ما هي مهمة ما عندها وقت حتى تبركن سيارتها".. تلاقيها وقفت سيارتها في الشارع ولا عليها من الأوادم.. مرة كنت عند بابا سنز، جت وحدة ووقفت عند البوابة ونزلت من سيارتها ودخلت،، والناس رايحين ضرب في الهرنات وهي ولا هامنها كأن الموضوع مو ليها..:pokey:

* والا لما تشوف السيد متعطل والحركة واقفة وتسأل نفسك وش صاير؟؟ حادث لو ويش السالفة؟؟ وتكتشف في النهاية ان بنية كانت تريوس..:2m:

[عاشق الخيال]

والله موضوع عجيب ..

الصراحه انا اكثر شي يضايقني اذا انا امشي في السيد اليسار 140 واكثر ويجيك واحد كنه طياره ويلصق فيك بلبمبر ويبيك تتباعد حشى يبي يطير هاذا ...

لا واذا جاك واحد او وحده تمشي قدامك كنه بينام في الشارع ..

اما البنات عاد تقدم السيت كله قدام وتلصقه بسكان ويمشون على بي

[عاشق الخيال]

والله موضوع عجيب ..

الصراحه انا اكثر شي يضايقني اذا انا امشي في السيد اليسار 140 واكثر ويجيك واحد كنه طياره ويلصق فيك بلبمبر ويبيك تتباعد حشى يبي يطير هاذا ...

لا واذا جاك واحد او وحده تمشي قدامك كنه بينام في الشارع ..

اما البنات عاد تقدم السيت كله قدام وتلصقه بسكان ويمشون على بيض عااد مو كلهم لان فيهم بنات ريسنقيه صراحه تشوفهم يدوسون دوس ولا يفتكرون ...

[نبض المشاعر]

عاشق الخيال..

عجبتني كلمة البنات الريسنقيه..

شكرا على مشاركتك الحلوة والخفيفة..

[عاشق الخيال]

حياكم الله اختي نبض المشاعررررررر...

[لحن الرثاء]

فعلا الموضوع جدا جميل
شكرا لك اختي نبض المشاعر على موضوعك الرائع
والاجمل تفاعل الاعضاء معه ومداخلاتهم الممتعة والشيقة
اما بالنسبة لي
فاكثر شي يرفع ضغطي بالشارع لما يصير قدامي هندي يمشي على اربعين وهو بنص الشارع لا ويهتم بعد ومعتبر نفسه مسوي انجاز وكانه يسوق صاروخ

او اني امر بشارع باتجتهين وضيق وتجيني من الاتجاه المعاكس بنية على بالها اهي قاعدة تسوق لاري ساعتها يرتفع ضغطي فعلا على ما اهي تقتنع بان عندها مجال تطوف وتمر بسلام

بس طبعا مو كل البنات تراني وحدة منهم بكل الاحوال

اما سالفة الشباب اللي يفكرون الشارع مال ابوهم ويوقفون يسولفون ويا اصحابهم ويعطلون السيد فهاذي سالفتها بروحها طبعا

موضوعك جميل فعلا

ودمتم

[HENRY_14]

* الشباب اللي يوقفون في نص الشارع ويكلمون ربعهم على بالهم انه شارع أبوهم.. ما يقدرون يصفطون على برد ويكلمون ربعهم، لا،، لازم يكلمه في نص الشارع وانت اللي لازم تطلع على الرصيف اذا ما عجبك الوضع..

* الشباب اللي يمشّون 40 على الهاي وي واذا تجاوزتهم ينطّ فيهم عرق الكرامة و يودوسون وياك race بس علشان يصيرون قدامك مرة ثانية ويردون يعيدون الحركة مرة ثانية.. على بالهم الناس فاضية ما عندها شغل الا انها تلعب في الشارع القطو والفار..

* او بعد فيه شي واحد يمشي 40 كانه شارع ابوووه او ما يرضى يتباعد .. او بنت تجي وتدخل عليك .. يا زعم خبرة خخخ خخ

[نبض المشاعر]

لحن الرثاء

أشكر لكِ تواجدكِ الرقيق في الموضوع ومشاركتكِ الأحلى..

HENRY_14

الخبرة تلعب دور.. والمشكلة ان كل واحد يدّعي الخبرة..
ولا ندري نصدّق من..
كل ولد أخذ الليسن، قال خبرة..!!
وكل بنت مسكت سكّان قالت خبرة..!!
ما يدرون ان العبرة مو في الليسن،،
العبرة في " الميدان ياحميدان" :clap:
ومشكور على مداخلتك الحلوة..

[1+1=3]

* لا تقولون اني حطيت على الشباب لأني بنية.. فيه بنات واجد يرفعون الضغط في الشارع خصوصا لما توقف سيارتها في نص الشارع وتنزل تدخل محل،، "تقول يعني من زود ما هي مهمة ما عندها وقت حتى تبركن سيارتها".. تلاقيها وقفت سيارتها في الشارع ولا عليها من الأوادم.. مرة كنت عند بابا سنز، جت وحدة ووقفت عند البوابة ونزلت من سيارتها ودخلت،، والناس رايحين ضرب في الهرنات وهي ولا هامنها كأن الموضوع مو ليها..:p

صح لسااااااااااااااااااانك..

[الغزال المرعب]

النســــــــــــــــــــوان اذا هم في طريقي .
اكــــــــــــــــره شي عندي هذا .

[البري28]

سلا م
انا بصراحه ما يضايقني الا اذا قدامي هندي ويمشي في سيد اليسار ولا يتباعد انا ما اسرع الا 100 ما تقدر اطلع اكثر في هالديره
خذ الثانيه اذا قدامك مدرب سياقه وفي شارع سيد رون سيد ويش تسوي تتبع المثل الي يقول لا تمشي ورا مدرب سياقه ولا ورى تكسي
وخذ الثالثه اذا قدامك بنات موكلهم بس لازم فيه نسبه بسيطه نخليها 10 % ما تعرف تسوق
وبعد خذ الرابعه اذا قدامك شايب ويش تسوي في عمرك
وبعد خذ الخامسه واحد شباب توه محصل الرخصه يمشي على راحه ومطول على المسجل في وين داخل الديره تضرب هرن يزل ليك ويسبك ويركب السياره كانه مو مسوي شي
والله انا من خذيت الرخصه الحين 3 سنوات بس الي شفته في الشارع وتعاملي في الشارع تعلمته من الوالد
يقول :
لا تسرع ازيد من 120 لان شوارع البحرين ما تسمح
لا تحط روحك في مكان محرج مثلاُ توقف السياره على طرف الشارع وتروح البراده
وغيرها
والشكر الجزيل على الموضوع

[CAMARO 1969]

ازيد شي يرفع ضغطي ادا واحد يلصق فيك من الخلف

[عـــاشـــق -10]

مشكورين على الموضوع