المساعد الشخصي الرقمي

مشاهدة النسخة كاملة : آخر موضه في حفلات الزفاف

دموع الورد
11-25-2002, 07:39 AM
آخر موضه .....


لا تتعجبون .... ترى الدنيا صارت غير دنيا ... والناس غير ناس ...

هاي القصه اللي صدمتني يوم سمعتهاااا !!!


المهم... يخبرني الرجال عن عرس في أحد البلدان الخليجيه.. المعازيم كالعاده جالسين في القاعه يتريون خروج العروس.. بندوا الليتات عشان يزفون العروس.. كل الحضور يتريون الزفه و الدق.. وفجأه بدال ما يسمعون الدق.. سمعوا صريخ جاي من أخر القاعه.. يعني مكان ما تطلع العروس وتمشي لين الكوشه!! المهم الناس شافوا حريم يصيحن و شالين تابوت ويمشون صوب الكوشه!! حطوا التابوت على الكوشه.. وفجأه دخل المعرس مشى لين الكوشه وفتح التابوت... اتخيلوا العروس كانت في التابوت... المعرس حب (يعني قبلها) العروس و قامت من التابوت!!!!!!!! أونه القبله أحيتها!!! ألحين هذيل أعراس آخر زمن.. وندري كل حد ينافس الثاني على فكره العرس... بس لهاي الدرجه!! ما أقول غير أستغفر الله!!
ملكاوية
11-25-2002, 08:41 AM
مالت عليهم اصلا الاعراق كل ما تكون بسيطة وتقليدية شوي تكون احلى وهذول رايحين يعيبون على الغرب ولا وحاطينها في تابوت الله يعقلهم ويصبر نا على هالبلاوي
الملكة
12-01-2002, 05:10 AM
السلام عليكم ورحمة الله وبركاته اشلون جذي لهدرجه الدنيا انعفست الله يعقلهم انشاء الله وي وعيهم من الوهم اللي اهم عايشينه اوكي مع تحيات
funny heart18
12-06-2002, 07:58 AM
يا الله خير وخاتمة خير



والله حاله وصلوا لهالدرجه




ما اقول الا الله يهديهم
بوعباس
12-07-2002, 06:51 AM
الله حاله ,,,

هاذي آخر موضه ...... لا ما اعتقد ..

اكيد بتطلع موضه اخس منها ..:D

بوعباس